Shillong: Uwa yahkhmat ka United Democratic Party uwa jooh man leh kam u MLA ka West Shillong Paul Lyngdoh, ynne ka sngi da ong u wa i rai yong oo wow yakhun MDC toh wow wanrah biang ya i burom ya ka District Council.
“Ki Autonomous District Council hapoh ka jylla katni em ki kiwa khlem em wa yah luti iwa man i daw wa nga rai O wow yaleh Election,” da ong u Paul Lyngdoh hadien wa thap pyrtuid u naka Jaiaw Constituency cha ka KHADC.
Da ong u leh wa emkaam waka Executive Committee wa thymme wow yajan wei wow krehkaam waka sorkar jylla.
U Paul u yaleh pyrchah u wa u kyrtong ka Congress u Auguster Jyrwa, uwa jooh man leh kam u KSU General Secretary, kawa katni u MDC toh u kyrtong ka Khun Hynniewtrep National Awakening Movement (KHNAM) MDC u Adelbert Nongrum la 10 snem.
U Paul da ong u wa ka Jaiaw Constituency emkaam ko ya uwa yahkhmat uwa da chemphang wei oo da dep em u ha ka KSU la 10 snem wei kam u MLA 15 snem, ye u leh iwa boon ya ka District Council.
Ha iwi tawon i liang da ong u wa i rem u haka Election MLA 2018 toh neidaw ka “Vote Bank Politics” heiwa kiwa thap Vote kiwa ym toh kiwa na ri-loom u thap bait ki cha ki National Party. Da pynsñiaw u leh wa katni ki bru kiwa ym toh kiwa na ri-loom da ye ki wow pynjop pynrem ya ki tre jylla hanlada man ki kiwa khian paaid hapoh ka jylla.
Heiyatoh won wa ki Bill ka KHADC da ong u wa i pynkrehkaam ya ka Inner Line Permit chong ko ha ka sorkar jylla deiwa yaroh ya iwa da leh ka KHADC wow monjur ya kani ka Bill.
U Paul Lyngdoh uwa man leh kam u Co-Chairman ka State Level Public Grievances Committee (SLPGC), ha ka 6 tarik da paan u na u montri rangbah ka jylla wow tuklar wow pynkrehkaam noh ya ya ka ILP yow sylli yei roi i psiah ki baar jylla chapoh ka jylla.
Da pynkynmoo u leh wa ini i dawa toh iwa man leh kam i kwah ka UDP, NPP, HSPDP waka GNC kawa da wanrah hapoh ka Assembly kam ka Adjournment Motion ha u snem 2013.
Da kyntait u leh wa da rai u wow yakhun MDC hadien wa dooh Ticket u wow yaleh MP naka UDP.
(Feature Image: File Photo)
Discussion about this post