U Symbood Montri Rangbah uwa pait ya ka Kaam Pohyung (Police), u Prestone Tynsong da ong wa ha ka Politics i dawa hiar chuki daw em bait ko wei ye ki wow dawa wa u Prestone Tynsong leh toh u hiar chuki u.
Kam wow kdaw heini wa hadien wa mih i jia pdung Dynamite ha paar mooyong ha ka thaaiñ Mynsngat, Thangskoo, neiliang ka VPP hadooh ka Congress da pynsñiaw ki ha ki laad pathai khubor wow dawa ya u Montri Rangbah, u Conrad K Sangma wa toh u hiar chuki noh u kam wow bahkhlieh ya kitu kiwa yap.
Hajrong ini, u Prestone da ong u wa kam kini ki dawa da jooh mih, tangwa da pynrap u deiwa ong wa ka sorkar u chim ko yei kitkhlieh yow pyntikna wa kam ini wa jia ym jai de wei u sangeh noh ki chisiendon.
Discussion about this post