Ka Congress Meghalaya da kyntait ko yei dawa ka BJP Meghalaya wow paan maap hajrong i pynbaad wa da klam beiñ ya ka bei u Prime Minister ka ri, u Narendra Modi.
Ynne ka sngi, ka Meghalaya BJP da lai kbai kyrha ko haphrang ka yung krehkaam ka Congress Bhawan ha Shillong wow pyrchah yei klam ki dkhot ka Congress ya ka bei u Modi ha ka yalang wa dang man wot ha Bihar.
Hawa klam wa kiwa pathai khubor, u Manuel Badwar da ong u wa ini i leh ka BJP toh i leh kutlaad hadien wa da sñiawthooh wa ki paidbah ka Bihar u kyntait ki ya ka BJP ha ka Election wow wan.
U Manuel da ong u wa u Rahul Gandhi toh u bru wa sñiawthooh neibynta ka mynried ka ri deiwa pynrap wa i wan kbai kyrha ka BJP pynyoo ko wa ki paidbah ka ri India da kyntait ki ya ka BJP.
Da pynbaad leh wa kini ki BJP ha Meghalaya toh wow pynsñiawbha donhi ya ki heh kiwa em ha Delhi.
Discussion about this post