Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa ynru deiwa pynman biang soo tylli ki yalehke.
Ha ka yalehke wa nyngkong, ka Mukhla Raij da jop ko ya ka Catholic Youth Mihmyntdu da 3-1. Ya ki kool ka Mukhla Raij da thap da u Guidingstar Suna ha ka minit wa 11, u Justin Sari haka minit wa 36 wa u Justful Sari haka minit wa 52.
Ha ka yalehke wa ar, ka Luti Tuber da jop ko ya ka Mookyrdup da 1-0 da ka kool wa thap u Iohbhah Dhar ha ka minit wa 41.
Ha ka yalehke wa le, da jop ka Iawmulong Nartiang ya ka Loomkyrwiang da 2-0 da ki kool wa thap u Lamchwa Dkhar haka minit wa 33 wa u Khamkor Dkhar haka minit wa 58.
Ha ka yalehke wa soo, ka Mynthong da jop ko ya ka Royal pole Mihmyntdu da 2-0 da ki kool wa thap u Pynchelang Amse ha ka minit wa 6 wa u Khrawbor Sukhlain ha ka minit wa 15.
