Nadooh mynstep ka 12 tarik ki kari kamai waroh kiwa em ha Ri Loom Jaiñtia (East wa West Jaiñtia Hills District) u kamai biang ki kamwa jooh kamai ki man-ka-sngi. Katwa ki kari kamai Jowai-Shillong ym pu kamai ki neidaw wa dang joor ka yakhih ha Shillong.
Ya kani ka rai da chim hadien wa ka synjuk kiwa kamai kari wa em hapoh ka lama yong ka All Jaintia Tourist & Commercial Vehicle Association nadooh ki Local Taxi, ki kari Tourist kam ki Swift, Alto 800, Sumo, ki Bus wa ki kari kit mar kam ki Truck, ki Pickup wa kiwi kiwi da lai yachem ki wa u DC ka West Jaiñtia ynne ka sngi wei ha kani ka yachem najrong u DC da emlang u DTO wa u SP ka West Jaiñtia heiwa u DC da pyntikna u ya ka bai kari katkam ka hukum yong ka sorkar u krehkaam kaam ko nadooh mynstep ka sngi.
Kamtæ da booh ya kini ki dor bai kari kiwa man kamni ha wah:
- Jowai-Shillong: T. 200
- Jowai-Ladrymbai: T. 100
- Jowai-Amlarem: T. 100
- Jowai-Khanduli: T. 200
- Jowai-Namdong: T. 150
- Jowai-Ummulong: T. 50
- Jowai-Sahsniang: T. 150
- Jowai-Nangbah: T. 50
- Jowai-Mynsngat: T. 120
- Jowai-Sohmynting: T. 40
- Jowai-Khliehriat: T. 130
Neiliang u Mihsalan Dhar, Publicity Secretary, All Jaintia Tourist & Commercial Vehicle Association da pyntip u wa i dor bai kari cha kiwi ki thaw wa dang sah daw pyntip won mynstep.
