U Montri ka sorkar pyrdi wa pait ya ka chnat Petroleum & Natural Gas waka Housing & Urban Affairs, u Hardeep Singh Puri, ynne ka sngi da ong u wa lada i phñiang i wym pu em dep pynkhooid (Crude Oil) da pynneh ya ki hei dor wym ye u im, daw ktah bha ko yei khayi pateiñ ki ri kiwa dang yaleh wow khai-im biang.
Hawa e yei klam pynhiar pyrda ha ka India Energy Forum CERAWEEK, da kdaw u leh yei man ki yaw ki haat katkam wa chim yukheiñ ka World Bank, u Montri da ong u wa i dor i bordiñ, i dor i phñiang ym toh u man i palat yeiwa ye ki bru u su. Kamtæ da emkaam wow kheiñ bha dei miat yei bor pynemkaam wei yeiwa emkaam ki ri neibynta ka mynried ka mankawi.
Ka World Bank da ong ko, “I ku dor i bordiñ, i phñiang daw wanrah ko yei ku dor ki mar ki mata wei lada neh kamni, daw ktah ko yei roi i paar ka khayi pateiñ khamtam ki ri wa hap wow thied yei phñiang na kiwi ki ri.” U Montri da ong u wa ini toh iwa ka sorkar India da klam ko da boonsien.
U Montri da ong u wa da yaleh wow pynduna yei mih i tdem deiwa pynemkaam da i phñiang wa tip kam ki Biofuel wei deiwa pynjoor yei pynemkaam ya i phñiang Ethanol da 20% hadooh u snem 2025, wei wow pynemkaam leh ya ka Compressed Bio Gas wa Hydrogen.
