Shillong : Ka prokram ka sorkar bei kawa tip kam ka Mother’s Absolute Affection namo “I Bor ka Bei Wow Yada” toh kam chibynta wow pynchlur ya ki manbei wow e yimbu khon ki nadooh wa kha ya ki khon wei yow pynsñiawthooh yei kordor i e yimbu ka bei ya ki khon.
Ya kani ka prokram da wai hapoh ka jylla ha Ganesh Das Hospital da ka montri ka Meghalaya Health and Family Welfare ka kong Roshan Warjri ynne ka sngi.
Ka kong Warjri hei klam yong ka da ong ko wa i dud ka bei toh iwa da kyrhu da u Blai iwa em bor wow yada ya ki khonboo nadooh wa kha wei neh i bor yong ki hadooh wa heh ki khynnah.
Kamjooh leh ong ko wa em i bahkhlieh ha ki manbei yow baam ki ya ki baam wa biang ha chwa wow kha khon yow yoh yei khon wa chait wa khiah wei emkaam i kyrchaan na u kurim kamjooh na kiwa ha yung ha sem leh kamjooh.
U Dr. Y. Shabong Senior Pediatrician, Ganesh Das Hospital leh ong u wa i dawai wa nyngkong dooh wa yoh nadooh wa kha toh i dud ka bei wow yada ya i na ki kjut wa boonjait kam i diarrhoea, pneumonia, asthma, eczema wa kiwi kiwi.
Discussion about this post