I e jait bei toh kawa kyrpang wa kiwi ki jaitbru tipmit ki ya i: President JNC

Ha i pteiñ ka Jaiñtia National Council (JNC), Central Executive Body wow lai yalap paidbah yaka thong i yoo jngai yong ka lyngba ka Save Jaiñtia Mission, haka 24 tarik dapoi i lai pynsñiawthooh paidbah won ko sa ha Iaw Sahsniang, West Jaiñtia Hills District.

Ki mat wa ka JNC da booh thong ko lyngba ka Save Jaiñtia Mission, kynthup i dawa wow pynkhlan bor yaka JHADC kamwa da pynkupbor da ka aiñ yong ka 6th Schedule, yow chna ki Policy thung kreh haki karkhana pynmih khyndaw-bilat, u pynbait ya u pood u ang hapyrdi ka Jaiñtia Hills wa Assam deiwa pynchong yurim naka Map yong ka Jaiñtia Hills wada em chwa nadooh u snem 1951, wow chna noh daka Small Scale Coal Mining Policy haka jylla najrong kiwi ki mat dawa.

U President ka JNC Central Executive Body, u Sambormi Lyngdoh hawa e yei klam ha kani ka sngi da ban joor u hajrong i emkaam u pynneh pynsah yaka riti dustur ym wow bood yei yong kiwi.

Ong haroh u wa hawa im ka JHADC im ka jaitbru na itæ i daw emkaam u pynkhlan ya ka.

Related posts

Kyntu ka HBDRF ya u DC u yaklam wow pynneh yei chongsuk ha Block-I

January 27, 2025

Nohyap uwi u bru na Manipur ha Kolkata

January 27, 2025

Neitæ da kdaw haroh u heiyatoh ka dustur e jait cha ka bei deiwa ong, kani toh kawi na kawa kyrpang tam heiwa kiwi won ki jaitbru tipmit ki ya i lyngba i e jait cha ka bei, tangwa ka JHADC won wym pu em ko ki aiñ wow yada wei pynneh pynsah ya ka.

Da pynsñiaw haroh u i diaw hajrong i mih ka seiñ Synjuk Rympei Thymmai kawa da pyrchang u pynsñiawthooh bakla ya ki paidbah wei pyrchang wow pynkylla yaka dustur dei wow chim jait noh cha u chynrang.

“Haka dustur yong i hi ki Pnar lada e jait cha u pa daw ktah ko yaka yurim yong ka jaitbru yong i neibhah toh kawa yieñ haka yurim Tip Bru Tip Blai, Tip Kur Tip Kha wei Kamai Yei Hok,” da ong u Sambormi Lyngdoh.

Ong u ka e jait cha ka bei toh kawa da yoh pateiñ nadooh ki warim wajah, kamtæ kam ki pateiñ wa katni won emkaam wow pynneh pynsah wei pynskhem ya ka.

Kamtæ lyngba ka Save Jaiñtia Mission ka seiñ dawa haroh ko na ka JHADC wow pynkupbor noh ya ki seiñkur daka aiñ khnang wa kani ka riti dustur e jait bei u neh sah ko pateiñ la pateiñ.

Kyntu haroh u ymtoh u chah yah bakla haki bru wa ong lada e jait cha u pa ka jaitbru u khlan ko, tangwa toh u kynmoo wa i khlan chong lada em ka mynsien yatylli yakrehlang.