I esikai wa kyrpang ka WJBA ya ki wa yakura

Jowai: Kam chi bynta wow pynkhreh ya ka District Level Boxing Championships 2016, neiliang ki dkhot ka West Jaiñtia Boxing Association (WJBA), daw pynman ko ya ka sikai wa kyrpang ya ki khynnah, ki khynroo wa kamjooh leh kiwa da heh.

Ya kani ka sikai Boxing u sdang nadooh kani ka tayaw wa nyngkong yong uni u bnai ha Indoor Sports Hall, ka WJDSA Ladthadlaboh, Jowai.

Hei yatoh wa ini ka seiñ WJBA da khut ko ya waroh ki chynrang wa kynthai kiwa em nadooh 8 snem hadooh 40 snem chynrang wa kynthai yow wan ki cha kani ka e sikai.

Kiwon kiwon ki wa kwah u yoh i yutip wa bniah u yachem ki wa kiwa kitkaam ka WJBA namo phone ha kini ki number 9856924031 / 9402328650.