Ka Commissioner of Food Safety, ka RM Kurbah hawa pynche yei chem yei dawai Formalin ha ki dakha wa da song thah kiwa da wanrah na baar ka jylla, da pyntip ko wa ini toh iwa da chem ha ki jait dakha wa tip kam ki Rohu.
Katkam wa da phah pait bniah ya ki nongmuna wa da chim na kini ki dakha da chem wa 30 tylli na ki 42 tylli toh kiwa da em yei dawai Formalin iwa da khang da ka aiñ wow pynemkaam ha ki baam yow pynneh pynsah ki yow lait ki u pyut, kamtæ hajrong ini da chim yei rai wow khang chwa u wanrah dakha na baar jylla.
Da pyntip ko leh wa waroh ki dakha wa poi chapoh ka jylla daw Test chwa ki manda chah u wanrah dakha biang na baar jylla chwa wow pynlait u dai ki.
Da ong ko leh wa wot ya ki dakha wa mih napoh ka jylla leh daw Test ki boi ya em Formalin ki neibhah kiwa leh yeini man ko pyrchah ya ka aiñ wei daw chah pynchitom ki leh katkam ka aiñ wot ya kitu kiwa na baar jylla.
Heiyatoh wa i maa i Formalin ya ki bru, da ong ko wa lada em wa dih 30 ml ye wow poi chadooh i yap syndon tangwa ym em em hadooh 30 ml ha ki dakha tangwa lada baam ya ki dakha wa em Formalin daw neh i ha doh ki bru iwa ye wow poi chei mih kjut wa boon jait.
Kam wow pynkynmoo wa ka sorkar da khang ko wow wanrah dakha chapoh ka jylla nadooh ka 8 tarik uni u bnai.
