Da u: Refil Sari
I im ki warep katwon wa yoosuk wa yoo muja,
Dang step u mih na yung yow poi cha pynthor kba.
Samen samen ha oo wym yoo pyrwa,
Ha oo wym em sñiawsih, dap du i sñiawbha.
Dang step i ja na yung da song,
Hapoh khara u kit kyndong.
Chirrup wa u wakhu ha tympha sa u knup ha kti,
Ha oo wym sñiaw u tang wa sep ka sngi.
Cha hali pynthor oo dang step da jhan u poi,
Sa i sur wa bang wa rwai kynhoi.
Wym sñiaw u ki itæ i ngiah i jrem,
Hun i mynsien u kat iwa chem.
Ka la-ær u slap chirup ki bor yong ka mariang,
Ha oo wym em i tieñ, yieñ Ialeh dei mynsien wa dap chynrang.
Yow pyndep yei phang kamwa da mut,
Cha yung u lai won yow hun u suk.
