Da u Chandame Sungoh
Kam i jingim yong nga tæ,
Ym toh u kwah yei rong pyrthai;
Wa kongsan tam wow leh O sæ,
Wow lait i manbru u sep-ai.
Kam i jingim yong nga tæ,
Haap O u kreh u khih chitom bha;
Ka dooh katda kani sang tæ!
Ya sah kut pathan O chirta.
Kam i jingim yong nga tæ,
Wym yooluti chiboon chi ai;
Kat i khon wa yoh tæ itæ wot sæ,
Wa da bhah da bynta U Blai!
Related posts
Kam i jingim yong nga tæ,
Wym toh u kwah yei riam yei bait;
Em ka tang chi kylliang ar kylliang,
Yu krum won ka u kwah boonjait.
Kam i jingim yong nga tæ,
Ka baam ka dih haap antaad bha;
Ym boi ya ong ka doh ka khleiñ,
Yoh ka tang i jhoor wei ja.
Kam i jingim yong nga tæ,
Mobile sy’ad dor wym toh u ang;
Ym boi ka Facebook, ka Whatsapp,
Yoh tang u phone kattæ da biang.
Kam i jingim yong nga tæ,
Biri sikret wym toh u dih;
Khamtam pathan nei kiad nei drok,
Emkaam hiwot O u yoo sih .
Kam i jingim yong nga tæ,
Wym toh u yakhle u thoh ka tim;
Haap antaad bha O ya i dæ,
Boi tæ chaphrang rap suk u im.
