Ka Unit ka seiñ Congress yong ka chnong Ummulong da wan ko wow pynche cha ki paidbah yong ka 1-Nartiang Constituency wa i kam ka NPP wa 80% kiwa chong chnong ka Ummulong u kyrchaan ki ya ka NPP man i iwa bakla joor neibhah ka chnong Ummulong toh ka chnong yong u kyrtong ka Congress haka Election MLA ha u snem 2018 utæ u (L) Jopthiaw Lyngdoh. I khlaad uni u kyrtong man ko i dooh nong wa i sñiawsih wa dang neh ha chiboon kiwa chong chnong wei hadooh katni dang boon kiwa chong chnong kiwa dang maya wa kiwa neh haka seiñ Congress.
I kular u Sniawbhalang Dhar wow pynman ya ka chnong Ummulong kam ka Smart Village man i i buit Politics hi-eh wow pynbiej ya ki paidbah wa chong chnong neibhah da yoo u wa ha kani ka kynti ym em thaw de ya oo u jop, da ong ka Congress.
Ka Congres da pynkynmoo ko wa u Sniawbhalang Dhar dadep u wow kular haka Election 2018 ya chiboon ki kaam wow leh kam wow chna Super Market ya ka Iawpynsin, wow pynman Model Village ya ki kattu katni tylli ki chnong hapoh Constituency, u chna luti lai kjat (Footpath) na chnong Ummulong hadooh Mookyndur, wow pyntyrchiah pynmiatdur ya ka chnong Ummulong kamjooh leh da jooh kular u hakhmat ki paidbah wa lada jop u, ya ka Scheme paidbah ym chim u ka cha oo.
Lyngba kani ka kyrwoh, ka Unit Congress yong ka chnong Ummulong kwah ko wow kyntu ya ki paidbah hapoh ka chnong wa ka 1-Nartiang Constituency wow man ki kiwa sian wei pyrkhat bha ha kani ka kynti. Heijooh i por da kani ka khubor, ka seiñ Congress kwah ko wow khana wa ha ka chnong Ummulong, kiwa kyrchaan yong ka Congress man ki kiwa dang neh skem bha wei boon kiwa dang psiah thymme cha ka lait noh kattu katni ngut kiwa kwah myntoi samen kiwa da yut cha kiwi ki seiñ.
Ka khubor wa da pynlait da ka Congress Ummulong Unit, lyngba u President u Welbi Rymbai wa u Secretary, u Guiding Muksor.
Puræ leh: Palat 80% wan kyrchaan ka chnong Ummulong ya u Sniawbhalang Dhar neibynta ka Election 2023
