Ka One Stop Centre kawa jooh em nyngkong ha Tpep-Pale, Jowai hadien won da rah cha Mookyrdup, Jowai wei nadooh u Naitung (Apr) 2021 da em ko ha Sabahmuswang, West Jaiñtia Hills toh kawa man kam chibynta ka Scheme ka laad yarap wa da mang tangka da ka sorkar pyrdi lyngba ka Ministry of Women and Child Development (MWCD).
Ka One Stop Centre toh ka thaw e yarap ya ki manbei kamjooh ya ki kynthai wa hapoh 18 snem i rta heiyatoh wa i chah thombor næ shah lehbeiñ hapoh yung, ki thaw kreh wa ha chnong ha thaw.
I chah lehbeiñ ye u man deiwa chah ktah kti (Physical Abuse), chah slaitbor næ chah thombor ha liang i chongkha chongman (Sexual Abuse), i chah lehbeiñ næ klam beiñ iwa ktah ya i thij i pyrkhat (Emotional & Psychological Abuse) wa i chah lehbeiñ wa ktah ya i yoh i laa (Economic Abuse).
Ki jait yarap wa ye u yoh ha kani ka One Stop Centre toh ki jait yarap wa jhan (Emergency) wa i wym jhan (Non-Emergency), i lai synraan chapoh ki thaw sumaar (Hospital) hawa kjut næ mynsoo joor (Medical aid). I e yarap hawa yatoh wa ka aiñ ka kanun (Legal Aid), i e thaw sah kattu katni por (Temporary Shelter), i syllok namo kynpham heiyatoh wa i eh i khor u chah pynsuk ha i thij i pyrkhat (Psycho-social Counselling).
Ka kynthai kawa chah thombor næ chah lehbeiñ ye ki u wan pyn daki hi næ lyngba kiwon kiwon ki bru wa kynthup:
U/Ka bru wa em mynsien wow yarap ya ki bru paidbah (Public Spirited citizen), kiwa kreh sorkar (Government Servant) katkam wa da batai haka kyndon 21 Indian Penal Code (IPC), 1860. Kiwa ha-yung ha-sem, ki lok ki jor, ki seiñbhalang (NGOs), ki Volunteer wa lyngba ki Helpline Number 181 wa krehlang wa ki pulit, ki Ambulance kamtæ ter ter.
Yow tip bniah ye u phone ha u No. 6009957335, Email ID: [email protected] næ ha u Helpline Number-181.
Discussion about this post