U National Vice President ka National People’s Party (NPP), u Prestone Tynsong da ong u wa i kawang ktieh yong kiwi ki seiñ saiñpyrthai wa kynthup ya ki seiñ kiwa ya krehlang ha ka sorkar synrop, da pynyoo che kdar wa ka seiñ NPP khlan ko ha waroh kawi ka jylla wa waroh ki Constituency.
Hawa klam wa kiwa thoh khubor, u Prestone da ong u wa kini kiyi kiyi waroh kiwa da pynbaad wei klam pyrchah ya u Montri Rangbah wa kamjooh ya oo kam u Symbood Montri Rangbah toh kawa da yabor bha, kawa pynyoo wa ka NPP ka khlan ko wei da pynman ya kiwi ki Party wow tieñ hadooh wow pynmih won ya ki klam wa lephaw jait.
Da ong u wa ki pynbaad waroh pyrchah ya ka NPP, i sakhiat daw mih ha ka 2 tarik u Wisu, neibhah du kani ka sorkar kawa da chim ya ki luti kiwa eh wa kynthup ya u pood u ang, ka ILP, ka Them Mator wei wow pynyoh yei tipmit ya ka ktien Khasi wa Garo.
