U Montri Rangbah ka jylla, u Conrad Sangma ynne da klam u hajrong iwa da jia ha Tura ha ka miet ka 24 tarik heiwa da mih i kulmar hakhmat ka yung krehkaam u deiwa ong wa iwa kem ya kiwa emkti ha ini i kaam wei kiwa pynchonghit leh kamjooh ymtoh deiwa pait na kawi ka Party wa wan ki lane kawon ka Party man dkhot ki.
Da ong u wa i kem toh katkam ka sabut wa da yoh, wei yeini da khana u hawa yaklam wa kiwa thoh khubor ha Shillong.
Da ong u wa ki pulit da kem ki ya kiwa emkti katkam wa da chemdien ki tangwa ym em won bien u wow ong iyi iyi heiyatoh wa da pynmih yei pyrtuid kiwa chah kem deilang wa ka Party wa man dkhot ki heiwa kiwa da mih pyrtuid toh kiwa da pyntip ki pulit toh kiwa boon na ka TMC wa na ka BJP.
Da khana u leh wa da lai u cha Tura dei mynsien wa kwah u yaklam ya ini i kaam wa emkaam heiwa da ong ya oo wym toh u pynman yalang ha ka thaw wa pynman yei chah thngan wei wow pynman ha Circuit House tangwa da rai u wow pynman ha Secretariat u Montri Rangbah wa em u ya ka kamra kreh yow yachem wei wow yaklam wa kiwa yakhih.
Kattæ da ong u wa ka sorkar dang yang ko ya ka Report na iwa dang takit ki pulit chwa wow phah pynman ya ka takit wa laitlooid.
Da ong u leh wa ki seiñ wa pynman yakhih wei kiwa wan yaklam wa oo ym tipmit wei ym emkti ki wa ki bru wa yang ha lait kiwa da pynkulmar wei yeini hap wow thooh tre yow chem yei sakhiat.
Da kyntait u leh yei chah pynbaad wa da pynemkaam ya ki pulit neibynta i myntoi ki heh ki seiñ saiñ pyrthai deiwa pynche ki da leh ki yei kaam wow yada wei da chah thombor pathan ki pulit ha katu ka miet.
Heiyatoh won wa i yaklam wa ki seiñ wa yakhih, da ong u wa daw pyrkhat manda jai-jai i long i man.
Kam wow kdaw heini wa ha Tura, u DC u pyndam u ya ka Section 144 Cr.PC nadooh 5:00 waje i step ka 28 tarik uni u bnai wei hadooh iwa khaddooh wa pyntip ki pulit ka West Garo Hills kiwa chah kem da em ki 46 ngut wa kynthup ya 7 ngut ki kynthai.
Discussion about this post