Ka seiñ Ka Sur U Paidbah East Jaiñtia Hills District (KSUP-EJHD) ynne ka sngi da phah ko ya ka khubor sñiawlem cha ka Kong Wanbha Shylla wa ki khon ki ksu u Ma Obil Kyndait, deiwa ong wa i khlaad syndet yong u Ma Obil da man i dooh ym du ya ka yung tangwa ya ka thaaiñ Tuber wa ka thaaiñ East Jaiñtia Hills hi waroh kawi neibhah da man u kam u MLA wa kam u MDC warim yong ka JHADC.
“Ha kam ini i por neiliang Ka Sur U Paidbah EJH, pynsñiaw i yei sñiawsih hajrong i dooh noh ya kam uni u waheh uwa man kam u nongmuna wa bha ya ka pateiñ yong ka thaaiñ Tuber wa ka East Jaiñtia Hills District hi waroh kawi,” da ong ka seiñ.
Chooh chooh da ong ko wa ha kam kini ki por ym yoh kyntien de ko deiwi tawon neibhah wa u Blai Kynrad tip bha u hajrong kini kiyi kiyi waroh wei daw ngooh leh ha u Blai wow pyntngen wei wow pyndap u ya ka yung ka sem waroh kawi.
Kani toh katkam ka Wyrta na u Shitmon Pdang, Secretary General, Ka Sur U Paidbah-East Jaiñtia Hills District, Khliehriat.
