Ka HITO Jowai Circle pynsñiaw ko yei sñiawngooh sñiawburom ya ki kyrtong (Candidates) ka 18-Jowai North wa ka 19-Jowai South kiwa da mih chakhmat dei mynsien chynrang hei wow yakit yabah ya ka lyngkor wa khia wei wow pynsñiaw ya ka yurim wa yieñ ki neibynta i im i yap yong ka jaitbru ka yong i hei wow pynneh pynsah ya ka riti ka dustur, ki khloo ki kjam, i khyndaw u chyiap, ka kamai kajih wa kiwi kiwi kiwa emkaam u tre chnong tre thaw.
“Kam ka seiñ kawa pait neibynta i miat i bha yong uwa boon walang pynsñiaw i ha phi ki kyrtong ki wow chah jied næ mihkhmat cha JHADC wot lada wan phi na ka won kawon kawon ka Party næ lada man phi u warim næ uwa thymme kyrmen i wow chimkhia phi kamwa da khlai phi hakhmat uwa boon walang dei wow kreh deiwa khooid wa suba.”
“Banjoor wei kyrpaad ya phi wow kreh phi katkam ki kular khnang yow im i myntu, mynstep khamtam ka pateiñ wa chakhmat khnang yow neh u sah ka parom ha i kam ki bru wa ksoh yei tynre wa da yoh pateiñ na ki manchwa longchwa yong i, kam wa khut i ka Ri Tip Bru Tip Blai.”
Kam ka seiñ kitbok kitrwiang ya phi yow eh ka rngu ka rngep, yow heh yow che i thij i pyrkhat wei wow sñiawthooh chemphang u pynlai næ yaklam ya ki aiñ synchaar khadar hapoh JHADC.
Chim wa chisien da nood u mih madan pynyoo wa da em i khut ha mynsien næ da em i kitkhlieh ka wym randien tang wow toor wow tia chakhmat hei wow pynroi, pynku wei wow pynmiat pynbha.
Discussion about this post