Ka Indian Railways da pynkrehkaam ko ya ki rel Shramik Special Trains man ka sngi ha kylleiñ ka ri wow kit ya kiwa sahkut wow liwan ki cha yung yong ki.
Da chem wa ki bru wa lai luti da em chitom chwa ki (pre-existing medical conditions) iwa booh hei maa ya kiwi khamtam wa em ka khlam u COVID-19 wei da em leh kiwa da khlaad neidaw ini.
Kam chibynta yong i yakhun ya kani ka khlam u COVID-19, wei wow bood ya ki kyndon ka Ministry of Home Affairs, neiliang ka Ministry of Railways da kyntu ko ya ki bru wa em chitom chwa (co-morbidities) kam ki hypertension, diabetes, cardio-vascular diseases, cancer, immune deficiency conditions, kiwa pun-khon, ki khynnah wa hapoh 10 snem, ki bru wa chajrong 65 snem wow kiar ki u lai luti da ka rel lymtoh neidaw wa emkaam.
Neiliang ka Indian Railway da kreh ko 24 kynta neibynta ki paidbah ka ri wei i chngaaiñ yong ki man i iwa kongsan.
Kamtæ da kyntu ki ya ki paidbah wow krehlang wa ka wei lada em ki kaam wa man jhan (emergency) wow pyntip cha ka chnat namo deiwa phone ha u Helpline Number – 139 & 138.
Discussion about this post