Shillong: Heiyatoh wa i sdang poor u khñiang novel Corona Virus (nCoV) ha kylleiñ ka pyrthai neiliang ka chnat Health Department ka sorkar jylla Meghalaya da kyntu ko ya ki bru kiwa lai wa wan cha ri China (ha kini ki chi bnai wa dadep) wa kiwi ki ri wa chah ktah ha uni u khñiang lada em namo ym em ki dak ki chin wa em ki ya uni u wow phone cha u Helpline Number ka Meghalaya GVK EMRI 108.
Neiliang ki wakreh ka 108 daw batai ki kammon u leh hadien wa phone cha ka 108 wei yeini da leh wow pyntikna wa ym em u chah ktah ki ha uni u khñiang.
Da kyntu ya kiwa lai wa wan na ki thaw wa chah ktah wow bood ya ki kyndon wa da booh.
Kitu kiwa wan na ki thaw wa chah ktah ha uni u khñiang wei kiwa yachem wa ki bru wa chah ktah ha oo ha ka chi bnai wa dadep kiwa em ki dak wa iñdoh namo wow kyoh ki wow tymmoh ki yei khmut i ktien da ki Face Mask, wei wow jngai na kiwi (Isolate oneself) wei wow phone ha u No. 108 wow tip kammon u leh.
Toh u saitkti dei langær khamtam da ki Alcohol-based Hand Rub namo sabon, hawa kyoh næ synrieh wow tymmoh ya i ktien wa i khmut wei u noh ya i rumal namo i thnat wa pynemkaam u tymmoh khmut tymmoh ktien wei wow jngai na ki bru wa em iñdoh wa i kyoh.
Discussion about this post