I kyntu na ki pulit lada em kiwa tipmit ya ka bru wa chem na Amsarin

U SP ka West Jaiñtia Hills District da pyntip u wa ha ka 29-05-2019 da chem ya kawi ka bru ka wym tip u khana tang yei pyrtuid ko kawa da uiñ cha wah cha neiñ ha chnong Amsarin, Amlarem.

Ya kani ka bru da kit yow yoh ko yei sumaar ha MIMHANS wei da neh ko ha itai i thaw hadooh u Naisaphra, 2023.

Neiliang ka MIMHANS, Shillong ha ka 11-08-23 da pynlait ko ya kani ka bru na ka thaw sumaar wei da li booh ka ha Halfway Home, Sabahmuswang wa em hajan ka Woodlan WK Hospital.

Kamtæ da kyntu ya kiwa ha-yung ha-sem ko wow wan ki chakhmat deiwa lai cha ka Officer-In-Charge ka Jowai Women Police Station.