Jowai: Hadien wa joor i sahkut ki kari ha u sarok Jowai-Shillong khamtam ha ki thaaiñ Mookyndur wa Puriang nadooh ynnin i miet ki paidbah da chem ki chiboon i eh i khoo neidaw wa sahkut ki da ki kynta chi thaw don.
I daw wa joor ini i sahkut kari toh wa em le tylli ki truck wa sih ha Wahmynsoo (Mookyndur), wei em leh ki dieñ wa pat wa i tlær khyndaw neidaw wa joor u slap.
Hawa yaklam wa u SP ka West Jaiñtia Hills, u Lakador Syiem da ong u wa man i iwa eh wow kyrriah ya kini ki truck wa sih neidaw wym biang ki kor wei kini ki truck toh kiwa 14 chaka.
Da ong u leh wa ki pulit da yaleh ki katwa ye wow pyllait ya ini i sahkut ki kari wei katkam wa man kattæ da phah ksoh lut ya ki truck ha Mawryngkneng wa ha Phramer.
Heijooh i por da kyntu u ya ki paidbah khamtam kiwa yah kari wow man ki kiwa yaichah wei wow ngait ki ya kiwa pulit kiwa da yaleh wow pynlait ya ini i sahkut kari hapyrdi uni u slap wa joor wei wow dam u yaknieh phrang neibhah lada kamni ini i sah kari daw joor chooh i.
Katkam wa man katni ini i sah kari da poi i chadooh cha Ummulong.
Discussion about this post