I kyrriah kaam ya u DC ka Nongstoin toh wa kwah ki paidbah da uwa klam Khasi: MLA Nongstoin

Shillong: U MLA ka Nongstoin u Macmilan Byrsat da ong u wa kam u MLA oo ym em bynta iyi iyi leh wow pyllai yei mon ka sorkar wow kyrriah ya u Deputy Commissioner ka West Khasi Hills District u Arunkumar Kembhavi, uwa chong dang du kamwa 14 bnai hapoh ka District.

Hawa yaklam wa kiwa pathai khubor ynne ka sngi, u Macmilan da ong u wa katkam ka aiñ, wow kyrriah ya uwon uwon u sahep chong bait i ha ka mon wa i yatoh wa ka sorkar tangwa i kdaw kti wa em kiwa embynta ha ka kaam saiñ hima, kam u MLA ymtoh iwa sakhiat.

U MLA ka Nongstoin, da ong u wa kamwa man, kiwa boon ki paidbah ka district, kwah ki ya u DC u wa rap sñiawthooh wei uwa klam da ka ktien Khasi wow ye u yaklam wa ki paidbah wa lai emkaam cha ki sahep wei neidaw wym ya sñiawthooh ka ktien ka thylliej ktah ko yei kaam i jam.

Da ong u leh wa ha ki kreh wa dang lait ha kini ki por wa dadep, u DC da khut thap pyrtuid u du da ka online tangwa ini da booh ko hei eh ya ki paidbah ka West Khasi Hills neibhah wa boon ki chnong ki thaw ym em Internet ki wei kani da pynman ko ya oo wow thoh wow dawa wow elaad ya ki khynnah wow pyndap da ka offline leh kamjooh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien wa chah kyrriah kaam u Arunkumar kam u DC, ki paidbah da pynbaad ki wa toh neidaw ka kaam saiñ hima sima neibhah wa katkam ka kyndon aiñ, u sahep toh u chong u la kammon kammon 3 snem ha ka jooh ka kaam.