I-League: Khlem wa jop hapyrdi ka Shillong Lajong wa ka Inter Kashi

Ka Shillong Lajong FC wa ka Inter Kashi da kut ka yalehke ki ynne i janmiet khlem da em wa yoh u thap kool yow pynkut ya ka Round 3 ka I-League 2024-25 kawa da pynman ha SSA Stadium, Shillong.

Ka Inter Kashi chwa ini da jop ko la ar sien iwa da pynsangeh ka Lajong ynne tangwa ka Inter Kashi dang em ko hei nyngkong deiwa yoh 7 Point deiwa tam da ka Goal Difference ya ka Real Kashmir FC wa Dempo SC.

Ka Shillong Lajong ha kani ka samoi ym pu em jop ko deiwa yoh 2 Point na ar tylli kiwa ya Drawn wei da rem chisien.

Ka Lajong kattu daw yalehke ko ha kani ka sngi Bibar pyrchah ya ka Rajasthan United FC heipor 4:30 i janmiet ha SSA Stadium.