Ka seiñ War Jaiñtia Student Union (WJSU) haka 2 tarik da e ko dei thoh cha ka seiñ ki tre wa kiwa yah Truck kawa tip kam ka War Jaiñtia Truck Owners & Driver’s Association Nongtalang hadien wa da yoh boon ki ujor na ki paidbah wa lai luti lyngba u sarok na Amlari, Nongtalang cha Tamabil.
Ha ka chithi da kyntu yaka seiñ kiwa yah Truck wow sñiawbha ki u pait u sylli yei leh khlem akor kiwa yah Truck ha tymbud sarok iwa da wanrah yei wym chngaaiñ ya ki paidbah wa lai wa wan.
I leh khlem akor kynthup nadooh i yah kari deiwa muaid, i yaknieh lai nyngkong, i pam pakhet iwa da wanrah yei sahkut kari kamjooh da booh ko hei maa yei mynsien yong kiwi.
Neitæ ki Truck wa thylli wa liwan na Bangladesh leh ym jooh em de pyrkhat ki ya kiwi tawon ki kari neibhah ya u sarok ye u lai chiliang donhi wa da pynyieñ sa du ki Truck donhi tangwa kini ki Truck wa liwan da yah kari ki lakam wa u sarok toh u ‘6-Lane’ iwa ye u wanrah chei ya tyrrah kari.
Em i por leh wym joh pyrkhat ki heiwa da pynyieñ kari bait ki hei thaw wa dong u sarok, iwa da pynthut ya kiwa lai wa wan.
Sa iwi toh i pynyieñ kari na waroh ar liang u sarok ha ki bynta wa tih moo wa nyngkong iwa da wanrah i yei thut i lai i wan ki kari khamtam heipor step.
Kamtæ lyngba kani ka chithi yooluti ki wow chimkhia kiwa yah Truck khnang wa i lai i wan ki kari u man iwa bait wa ryntih wei chngaaiñ.
Lada jia won wa dang yoh ujor biang, ka seiñ WJSU ym yohsa de ko wow pynchitom ya kiwa emkti wow tyngkheiñ aiñ.
Discussion about this post