U MLA/MDC warim na Nongkrem Constituency uwa man leh uwa yahkhmat ya ka seiñ ‘Ïada La Ka Ri’, u Ardent Miller Basaïawmoit da ong u wa i leh u Amit Shah heipor wa wan u ha Shillong toh iwa da pynchrai wei iwa pait chiliang ya ka jylla da ka sorkar pyrdi.
Da ong u wa ini i leh da pynartatien i ya ki paidbah ka jylla ya i kam kiwa yahkhmat ya ka sorkar wa da lai yachem ki ya u Amit Shah neipor cheipor wow yaklam hajrong ka Inner Line Permit ha Delhi.
Da ong u wa lada toh iwa sakhiat itæ i lai yaklam, ymtoh iwa eh ya u Amit Shah wow e u du chi kyntien neibynta wow pyntngen ya ki seiñbhalang kiwa kwah yachem wa oo hajrong ka ILP.
Da ong u wa man i iwa pyn dukha mynsien ya ki paidbah ka jylla wa u Amit Shah wot ya ki heh ka jylla da klam u heipor wa lai luti iwa da pynyoo wa wan u de akor iwa ym yoosuk iwa ym ye u pdiang ya kam ini i leh khlemakor.
