Shillong: Deilang waka ri waroh kawi, ha Meghalaya ynne da lehkmen ko yaka lyngkhooh snem wa 74 i laitlooid ka ri namo ka Independence Day.
Haka nongbah ka jylla, u montri rangbah u Conrad K. Sangma da pynhær u yaka lama ka ri wei da chim u leh yaka Rashtriya Salute ya ki 3 tylli ki kynhun wa leh yaka Parade wa kynthup ya ka CRPF, 1st MLP Bn. waka Meghalaya Police Radio Organisation he emlang ka put ka tem naka Brass Band ka Border Wing Home Guards.
U montri rangbah da e kti u leh ya ki Certificate wow tipmit yei kreh chitom ki 71 ngut ki wakreh ka chnat i chait i khiah kiwa em hakhmat dooh wow yaleh thma yaka khlam COVID-19 kiwa da pdiang da ka Dr. N. Wanswett, DHS (MCH&FW).
Da pynbna leh yaka Home Guards & Civil Defence Medals for Meritorious Service cha u Showell Markhap, Sub-Inspector wa cha u Rajesh G. Momin, Havildar Instructor.
Ha Nongstoin: U West Khasi Hills Deputy Commissioner, u T. Lyngwa da pynhær u yaka lama ka ri wei da chim u leh yaka Rashtriya Salute neibynta ki ar tylli ki kynhun pulit ka District Executive Force waka 4th MLP Bn ha St. Peter’s Higher Secondary School Playground, Pyndengrei Nongstoin.
Ha Nongpoh: Ka Ri Bhoi District Deputy Commissioner, ka R.M. Kurbah da pynhær ko yaka lama ka ri wei da chim ko yaka Rashtriya neibynta ki ar tylli ki kynhun wa leh ya Parade wa kynthup yaka 6th MLP Battalion, Umran haka yalang wa pynman ha Circuit House, Nongpoh.
Ha Tura: U West Garo Hills Deputy Commissioner, u Ram Singh da pynhær u yaka lama ka ri ha P A Sangma Stadium, Dakopgre, wei da chim u leh yaka Rashtriya Salute ya kiwa leh yaka Parade wa kynthup yaka Tura DEF waka 2nd MLP Battalion, Goeragre.
Da pynkupburom deiwa e da ki Certificate of Appreciation Award cha ki Frontline Workers wa kynthup yaki Medical Officers, Staff Nurses, Technician, Pharmacist, Attendants ka Corona Care Centre, Walbakgre neibynta i kreh chitom ki wow sumaar ya kiwa chitom.
Ha Williamnagar: U East Garo Hills Deputy Commissioner, u Swapnil Tembe da pynhær u yaka lama ka ri wei da chim u leh yaka Rashtriya Salute neibynta kiwa leh Parade wa mihkhmat da ka Meghalaya Police ha Rongrenggre Govt. Higher Secondary School Playground.
Da pynkup burom leh yaki COVID-19 Frontline Worker wa kynthup ya ki wakreh haka chnat i chait i khiah, ki pulit, ki Volunteer ka Bharat Scouts & Guides, ki wakreh ka Williamnagar Municipal Board, IDSP Team, ASHA, Anganwadi wa kiwi kiwi.
Ha Baghmara: U South Garo Hills Deputy Commissioner, u H.B. Marak da pynhær u yaka lama ka ri wei da chim u yaka Rashtriya Salute neibynta kiwa leh Parade wa mihkhmat da ka District Police ha District Sports Playground, Baghmara.
Da pynkup burom leh yaki COVID-19 Warrior wa kynthup yaki Doctor, pulit, ki District Officers ki chnat sorkar kam wow tipmit yei kaam wa bha wa da leh ki. Yaka Field Level Leadership Incentive Award hapoh ka Poshan Abhiyan da e cha ki 5 ngut ki dkhot ka Gitingre Anganwadi Centers kiwa hapoh ka Baghmara ICDS Project neibynta ki kaam wa bha yong ki.
Ha Resubelpara: U North Garo Hills Deputy Commissioner, u S. C. Sadhu da pynhær u yaka lama ka ri ha Mini Stadium Resubelpara. Da pynkup burom leh yaki Covid Warrior, deiwa e da ki Certificate neibynta ka Best Performing Anganwadi, ANM wa ki wakreh ASHA.
Ha Mawkyrwat: Ka South West Khasi Hills Deputy Commissioner, ka Isawanda Laloo da pynhær ko yaka lama ka ri ha pchem ka yung krehkaam ka Deputy Commissioner, Mawkyrwat.
Ha kani ka sngi da pynliat leh yaka Video wa e pyrtuid “Pyrkhat Thymmai” kawa da pynyoo yei rukom im wa thymme wei kamjooh kammon wow pynwiar yei sñiawthooh bakla wa i kyntait ya kiwa yoh COVID-19 wa pynmih daka District Mental Health Programme, South West Khasi Hills District, Mawkyrwat.
Da pynkup burom leh ya kiwa yaleh pyrchah yaka khlam COVID-19 kam ki ASHA wa Anganwadi kiwa na ki CHC, PHC (Mawthawpdah, Rangthong wa Wahkaji). Da pynkup burom leh ya kiwa pynkrehkaam yaki Quarantine Centres kamjooh leh ki Frontline Workers ka Corona Care Centre, ki District Mental Health Programme Counselor. Da e leh ki Memento wa Certificate cha ki Umjarain Check Point Team, SBM Team, kiwa yahkhmat chnong wa cha ki Volunteer.
Ha Ampati: U South West Garo Hills Deputy Commissioner, u Ashish M. Sangma da pynhær u yaka lama ka ri ha Ampati Students’ Field, Ampati.
Da pynkup burom leh yaki COVID Warrior da ki Certificate wa kyntup yaki District Medical Team, District Police, Executive Magistrates, Transport Department, PHE, Swachh Bharat Mission team, Disaster Management Team, ASHA wa Anganwadi wa kiwi kiwi.
Yaka Poshan Abhiyaan Award da e cha ki Anganwadi, Anganwadi Helper, ASHA, ANM wa ka Lady Supervisor ka Dorgapara Anganwadi Centre.
Ha Khliehriat: U Deputy Commissioner, East Jaiñtia Hills District, u F.M. Dopth, da pynhær u yaka lama ka ri ha Khliehriat Higher Secondary School Playground, East Jaiñtia Hills District.
Da e kti leh yaka District Bravery Award 2020 cha ka Lini Dkhar ya i kaam wa chlur yong ka. Yaki Awards of Appreciation da e cha u Risborn Tongper, J.E., Water Resource Department wa cha u Bipin Nitan Kumar. Ya i naam Best Anganwadi Worker hapoh ka ICDS Khliehriat da e cha ka Letme Dkhar katwa yei naam Best ASHA Worker da e cha ka Beauty Chyrmang.
Da pynkup burom leh ya ki Frontline Workers wa ki wakreh ka Health Department kiwa em hakhmat wow yaleh pyrchah yaka khlam COVID-19.
