Ka Dorbar Chnong Loomkyrwiang ha ka thong wow pynsuk ya kiwa yah kari wei yow lait u em i takhooh kari (Accident), ha u snem wa dep 2024 da booh ko ki Reflex Miror haman ki laad wow psiah chapoh u pood u ang ka dorbar chnong.
Iwa phylla u chem wa ha kini ki sngi, ki bru ki wym yoosuk u pait u yoo yei kaam wa miat wa bha ka dorbar chnong da chimkabu ki wow tooh u khloh wei wow pynsih dur ya kini ki tiar kiwa da booh ka dorbar chnong.
Ka Dorbar Chnong Loomkyrwiang da kyrpaad ko ya kiwon kiwon ki lok kiwa psiah chapoh u pood u ang ka dorbar chnong wow sñiawbha u psiah deiwa em i kitkhlieh yei miat i bha yonglang, ymtoh hawa wan chapoh u pood u ang ka dorbar chnong u leh ki kaam huria human, awri awra, pynjæd pynpra næ u tooh ya ki tiar ki tar.
Lyngba kani ka wyrta chula, ka dorbar chnong maham ko ya kitu kiwa leh lada kambhah u tip u chem daw hap ki hei saja wei u pynchitom ya ki katkam wa chah ka aiñ.
Discussion about this post