Hadien wa mih ki pynbaad lyngba ki Social Media wa khleh um yei Petrol, neiliang ka Petroleum Dealers Association of Meghalaya (PDAM) ynne ka sngi da pynche ki wa ini i pynbaad toh iwa bakla.
U President ka PDAM, u Mika Nampui da pyntip u wa nadooh u Thohlakhmi (Feb) uni u snem, ka Ministry of Petroleum da sdang ko wow pynmih ya i Petrol wa da khlehlang wa i Ethanol.
Da pyntip u wa i Ethanol toh iwa da khleh lang yow pynduna yei mih tdem wei i Ethanol da khleh 10% ha i Petrol.
Chooh chooh da ong u wa hanla i Ethanol man i iwa bha ya ka rymaw tangwa em hi i wym miat heiwa taan i yei jhieh wa mih napoh ka kari khamtam lada toh ka Petrol Tank ka wym pu em pynkhooid iwa da ktah won yei miat i Petrol.
Kamtæ da kyntu u ya ki paidbah wow tip kammon man i Petrol manda khleh wa i Ethanol. Ka Association da khana ko wa ym em khang ya ki paidbah wow pait ya u Pipe chwa wow thap phniang iwa man i kitkhlieh ki paidbah ym toh yong ki Petrol Pump.
