I phah chong yung haka 16 tarik ym toh deiwa pynbor

Ka Synjuk Ki Waheh Chnong (SWC)- Jowai man ko kawi na ki seiñ wa yahkhmat wow yakhih pyrchah yei kyrriah ya ka yung krehhkaam PWD- Jowai North Division na Jowai cha Shangpung.

Ha kini ki sngi wa dadep ka Synjuk da pynman ko ya ki yakhih wa ha rukom nadooh i lai paidbah, ka Poster Campaign wa kiwi kiwi.

Ynne ka sngi hawa yaklam wa u LD Lakiang uwa man u Secretary ka Synjuk, da ong u wa ha kani ka 16 tarik ka yakhih u man ko kawa lai bait heiwa daw pynman ya ka chong yung namo ka Stay At Home Protest kam ka dak wow pyrchah yeini i leh ka sorkar.

Deiwa pynrap leh wa kani ka yakhih man ko kam ka dak wow pynyoo ya ka sorkar wa ini i leh yong ka da ktah i yei man Headquarter ka Jowai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh wa kani ka yakhih, hawa yaklam wa u DC ka West Jaiñtia Hills, u Garod LNS Dykes da ong u wa kani ka yakhih ha ka 16 tarik toh da i mon wa i ngait ki bru samen wei ymye wow pynbor wow pynkrehkaam ya ka.

U Garod da ong u leh wa kani ka yakhih daw man ko pyrchah ya ka hukum ka High Court lada pynkrehkaam ya ka dei bor.