I pnylut ha i bia u khon u Mukesh Ambani toh iwa sy’at dooh hapoh pyrthai

Ha kini ki sngi kat chawa pait ha ki Social Media da yoo sa du ki kaam wa yatoh wa i bia ka Radhika Merchant wa u Anant Ambani ha ka 12 tarik uni u bnai wei bood won sa ka Shubh Aashirwad ha ka 13 tarik wa ka Mangal Utsav namo ka Reception mynstep ka 14 tarik.

Kiwa chah khut sñiawbha cha ini i bia kynthup ki ya ki bru wa pawnaam kam na Bollywood, Hollywood wa kiwi de kam ka Kim Kardashian, u John Cena, ka Adele wa kiwi ki heh sorkar wa kiwa yalehke Sports.

Katkam wa man katni u pa u Anant, u Mukesh Ambani toh uwa mahajon dooh u bru hapoh Asia wei chirup wa ka kurim u, ka Nita Ambani da rai ki wow pynkhroo bha ya i bia u khon khian dooh ki.

I pynwyrngia chwa i bia da man i ha Jamnagar nadooh u Wisu (Mar) heiwa da wan ki bru pawnaam nadooh ka Rihanna, u Akon wa kiwi kiwi heiwa da wan sakhi leh ya ka da u Bill Gates wa u Mark Zuckerberg wei da em leh ka leh sñiawbha ha ka jhaad na Italy cha France ha u Naiynru heiwa da pynwyrngia ha ini da ka Katy Perry wa ki Backstreet Boys.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Ha ka 5 tarik uni u bnai da pynman ya ka Sangeet Ceremony heiwa da pynwyrngia da u Justin Bieber.

Heiyatoh wa i pynlut ha ini i bia, ki Ambani da pynlut ki chiboon heiwa katkam ki khubor ka LiveMint, The Economic Times wa Outlook Business da antaad wa da pynlut hadooh Rs. 5,000 klur iwa tam ya i bia ka Princess Diana wa u Prince Charles iwa Rs. 1,361 klur wa u bia ka Sheikha Hind Bint bin Maktoum wa u Sheikh Mohammed bin Rashid Al iwa Rs. 1,144 klur. Kamtæ i pynlut ki Ambani toh iwa sy’at dooh ha pyrthai.

I pynlut wa heh bha man i Rs. 74 klur wa da su ya ka Rihanna kawa da pynwyrngia ha Jamnagar wa u Justin Bieber iwa kynjoh Rs. 83 klur heiwa ka Daily Mail da ong ko wa da pynlut hadooh Rs. 2500 klur du wow pynwyrngia chwa i bia.