U Montri Rangbah ka jylla, u Conrad K Sangma da ong u wa iwa jia hapyrdi ki Karbi wa ki Pnar heipor wa lai ah kba ki Pnar ka Lapangap toh i yachoh para bru wei ki pulit ka Assam wa ki pulit ka Meghalaya da yaleh ki wow pynran ya jar jiar ki bru ki.
Da ong u leh wa wot hapyrdi wa yaleh wow pyn-jai-jai ki bru paidbah da sdang ki wow boon wei da sdang wow mih i yachoh hapyrdi ki ar liang hadooh wa poi chei yap uwi u bru hanla ki pulit da yaleh katwa ye wow pynran tangwa i yachoh da em iwa jia charood wym em yoo ki pulit.
Da kyntu u ya kiwa chong chnong na waroh arliang wow thooh ki laad yow wanrah yei suk neibhah ya ki 6 tylli ki thaw da ye u pynbait i wym pu em wa ye u leh la 52 snem da ki sorkar wa da lai. Wei kini ki 6 tylli ki thaw wa dang sah leh dang yaleh wow pynbait ki deiwa bien leh ki paidbah wow yaklam yow yasuk.
Da pyntip u leh wa ha ki sorkar wa nachwa chwa wow wan ka sorkar MDA, la 27 sien wa yachem ki CM wa ki Chief Secretary heiwa da rai bait ki wow pynneh ya ka Status Quo tangwa katni oo won deilang u CM ka Assam u Himanta Biswa Sarma da chim ki da kawi ka luti deiwa kylli ya ki paidbah lada kwah ki wow em cha Meghalaya næ cha Assam wei yeini dang pteiñ i heiwa da thung ki Sub Committee wow lai yachem wa kiwa chong chnong wow ap u sñiaw yei sur yong ki.
Da ong u wa ini ymtoh iwa suk u leh smat neibhah i kaam toh iwa da sah da palat 50 snem.
Discussion about this post