Da: U Refil Sari, Mukhla Nongrim.
Por synrai da wan biang phi kattu,
Sa chisien yei manbru yong i da wan kyrsu.
Cha hali cha pynthor da toh por u pynlang pynlum,
Yei mar-rep, wa ya u symbe u kba yow kit cha yung.
Ki dieñ ki siej da sdang ki u haap sla,
Ka la’ær wa beh jai jai dei sur wa maya.
Ki phlang ki ra’nem da sdang ki u yap,
Watoh kam hei por synrai wa duna u slap.
Cha loom cha wah da lait liang lut waroh,
Wa da duna ki chieh wa khoom wa kdoh.
Sa ka sngi wa chit wa lung kynjai,
Kam heini por synrai wa sñiawsuk u lai.
Lai ke pyngngad cha ki kchaaid ki synrang,
Ki um wa ood na ki wah katwon wa sñiaw tympang.
Ki sim ki doh wa ya rwai sñiaw bang,
Yei yumut yong i wa pynkhih klang.
Aa kam i por synrai tæ da eh u yoh,
Wei chit ka sngi, i por step wan u la’oh.
Ki khloor u Bnai wa che ha bneiñ,
Lai ke synniaw lyngngoh wym em i tieñ.
