Ka National Expert Group on Vaccine Administration for COVID-19 (NEGVAC) da khana ko ya ka yutip wa thymme heiyatoh wa i e tika COVID-19 iwa da pyntip cha ka Union Ministry of Health and Family Welfare.
Kani ka yutip wa thymme toh kawa da e katkam wa chem ki bru chemphang kamjooh katkam wa da chem yei long i man ka khlam ha kiwi ki ri.
Ka Union Ministry of Health and Family Welfare da pdiang ko ya ini i tyrwa iwa da pyntip leh cha ki jylla wa ki UT:
I por wow yang chwa wow chim yei tika COVID-19:
-
- Ki bru wa yoh ya u COVID-19 ye ki wow chim yei tika hadien le bnai wa chait ki na u COVID-19.
- Kiwa yoh COVID-19 kiwa da chah sumaar deiwa e da ki Monoclonal Antibodies lane da ka Convalescent Plasma, i e tika ya ki toh hadien 3 bnai nadooh wa yoh ki wow mih Hospital.
- Ya kiwa da dep yoh yei tika yei bhah wa nyngkong namo ka 1st Dose tangwa da yoh ki ya u COVID-19 chwa wow yoh yei tika wa ar namo ka 2nd Dose, hap ki wow yang 3 bnai hadien wa chait chwa wow chim yei bhah wa ar i tika.
- Ki bru kiwa dang dep thiah Hospital hadien wa chitom joor bha lane kiwa da hap wow poi ICU toh u yang ki 4-8 tayaw chwa wow chim yei tika COVID-19.
Kiwa kwah wow e snam, ye ki wow leh hadien 14 sngi wa yoh ki ya i tika COVID-19 lane hadien wa dep Test da ka RT-PCR lada toh kitu kiwa yoh COVID-19.
Ym em khang ya kiwa dang e bu khon wow chim yei tika COVID-19.
Ym toh iwa emkaam wow leh ya ka Rapid Anitgen Test (RAT) chwa wow chim ya ka tika COVID-19.
Heiyatoh wa i chim tika ki kynthai kiwa dang punkhon, ya ini toh iwa dang yaklam wei dang thooh bniah da ka National Technical Advisory Group on Immunization (NTAGI).
