Ki le ngut ki MLA ka Congress kiwa da lai noh cha ka NPP, da ong ki wa i lai psiah cha ka NPP toh khlem iwon iwon i kyndon wow dawa chuki Montri sorkar tangwa yow wanrah ya ki kaam pynroi.
Hawa klam wa kiwa thoh khubor, u Dr. Celestine Lyngdoh da ong u wa ym em iwon iwon i dawa wow e chuki Montri hawa lai ki cha ka NPP tangwa ka kyndon wa da booh ki toh wa kwah ki wow wanrah ya ki kaam pynroi cha ki Constituency.
Hajrong i pynbaad ki paidbah wa da chah thied da ki klur ha ka NPP, u Dr. Celestine da ong u wa wot lada ki MLA kreh hok ki, wei lada dooh ki katwon katwon ha yung leh, tangwa toh ka rukom ki paidbah wow klam kamtæ wei yei nia ki paidbah ym ye wow khang.
Hajrong i kylli ya ka kyntien High Level Tribe kawa oo jooh khyrwait bha u hapoh ka yung dorbar, u Dr. Celestine da ong u wa nadooh wa klam u yeini da pynman yei khayi mooyong pyrchah aiñ wow lyngam ko katni.
Heijooh i por, da ong u wa ka chithi kawa da e ki cha u Speaker toh ha ka 14 tarik uni u bnai, wei da psiah NPP ki ynne ka 19 tarik, wei u Speaker da pynskem u yei rai yong ki yow psiah cha ka NPP deiwa yut na ka Congress hadien wa da em ki 2/3 bynta neiwa em MLA ka Party.
Discussion about this post