Neiliang ka yung krehkaam u Deputy Commissioner (Election) East Khasi Hills da pyntip wa kam chibynta wow pynkhreh ya ka sngi thap Vote ha ka 27 tarik da emkaam wow bood ya ki kyndon da waroh ki kyrtong, ki Party, ki Election Agent yow man ka Election kawa khooid wei ya kiwa leh pyrchah daw pynchitom katkam ka aiñ.
Kamtæ da khang wow yalap Election hapoh 100 meter na ki Polling Station ha ki sngi thap Vote neibhah ini man ko pyrchah ya ka kyndon aiñ hapoh ka Section 130 ka aiñ Representation of the People Act, 1951 nadooh i pynbor ya kiwa thap Vote, u klam pyrchah ya u kyrtong, u paan ya ki Vote wei wow pynyieñ ya kiwon kiwon ki dak (Sign) wa yatoh wa ka Election lait noh kiwa da booh da ki bor saorkar ha kani ka sngi.
I pynbaam poisa ya kiwa thap Vote leh man ko leh pyrchah ya ka aiñ hapoh ka Section 123 (1) ka aiñ Representation of the People Act, 1951 wa Section 1718 ka Indian Penal Code.
I “Booth Capturing”, i rah ya ki tiar ki tar wa em ha ki thaw thap Vote lane kiwon kiwon kiwa daw pynthut yei lai bait ka thap Vote man ko pyrchah ya ka aiñ hapoh ka Section 135A ka aiñ Representation of the People Act, 1951.
I kam thok wa man kam kiwa thap Vote leh man ko pyrchah ya ka aiñ hapoh ka Section 171D ka Indian Penal Code
Da khang leh wow pynman ya ki yalang paidbah 48 kynta chwa wow kut ka thap Vote neibhah ini man ko pyrchah ya ka kyndon Section 126 (1) ka aiñ Representation of the People Act, 1951.
Da khang leh wow pynbiang kari ya kiwa thp Vote cha ka thaw thap Vote wei kani man ko leh pyrchah ya ka aiñ hapoh ka Section 123 (5) wa Section 133 yong ka aiñ Representation of the People Act, 1951.
I saam kiad ha ka sngi thap Vote wa 48 kynta chwa ka sngi thap Vote leh man ko pyrchah ya ka aiñ Section 135 (c) ka aiñ Representation of the People Act, 1951.
