Hadien wa mih khubor wa em hadooh 13 ngut ki dkhot ka JSM-Thadlaskein Circle wa mih na ka seiñ JSM wa kynthup leh u Vice President wa u Finance Secretary, ka seiñ da ong ko wa ym em yutip ko khamtam u President ka JSM Central Body.
U President ka Central Body u L. Rymbai da ong u wa kani ka khubor toh du wow pyndooh burom ya ka seiñ deiwa pynrap wa kam ini i jia hapoh ka seiñ ym jooh em jia hanla na i por cha i por wa em wa mih seiñ samen samen wei kini toh kiwa ym em mynsien maya jaitbru lane ki wym tip yi mut manda ong seiñbhalang.
Chooh chooh da ong u wa ye u man wa da psiah dkhot ki cha kiwi ki seiñ wei ini man ko du kam i yalehke donhi neibynta wow chim kabu donhi.
Da ong leh wa kani ka Circle ym toh kawa paka wei tang kawi leh ka kaam ym pu em leh ko wei toh kawa dang lung bha, kawa da dep pynskem dang du hapoh le bnai donhi haka 09-05-2020.
Kamtæ ka High level Committee ka JSM Central Body da paan pynche ko na ki khlieh wa yahkhmat ka JSM Western Region.
