Ka Jaiñtia Fishing & Environment Protection Association (JFEPA) da pynche ko heiyatoh waka yakob khwe dakha namo ka Fishing Competition kawa daw pynman ha ka 23 tarik uni u bnai ha ka wah Myntdu.
Hadien wa da yoh ya ka chithi na u DC ka West Jaiñtia Hills District ynne ka sngi wa da phah cha u President ka seiñ kawa da khang wow pynman ya kani ka yakob khwe ha ki bynta wa haap hapoh u pood u ang ka chnong Panaliar, Jowai.
Kamtæ ka JFEPA da kyntu ko ya ki paidbah wa wan wow chimbynta ha kani ka Fishing Competition wow yait ki u khwe ha ki bynta ka wah kiwa haap hapoh ka chnong Panaliar.
Kam wow pynkynmoo wa kani ka yakob khwe u sdang ko nadooh 6:00 waje i step hadooh 5:00 waje i janmiet wei ki bynta wow khwe toh nadooh Treiongriang Damser cha wah lait noh ki thaw wa haap hapoh ka chnong Panaliar kamwa da pyntip.
Discussion about this post