U heh pulit wa da chongngiah ka jylla, u Mariahom Kharkrang da phylla u hajrong i chah pynngat kyndon u Vice President ka Bharatiya Janata Party (BJP), u Bernard N Marak hadien wa da chah kem ha u Naiynñiaw uni u snem uwa da yoh jamin noh ha ka 16 tarik kani ka tayaw.
Hawa klam wa kiwa pathai khubor da ong u wa ym kwah u wow klam iwon iwon hajrong ini neibhah dang em i hapoh ka kasari tangwa kamwa man katni da pynngat ya oo ha kiwa boon ki kyndon wa yoo wa kwah wow kset bait ya u Bernard ha patok.
Da ong u leh wa i laitlooid da yoh u katni toh du lyngba ka Kasari Meghalaya High Court kawa da e jamin noh ya oo.
U Kharkrang uwa man leh uwa e ktien ka BJP Meghalaya da ong u wa da mih chiboon ki yukylli heiyatoh wa i chah pynngat kyndon u Bernard, uwa man leh u MDC ka BJP, neibhah wa boon ki Case wa da rim yong oo da wanrah lang hadien wa da chah kem u, ya kiwa toh u bichaar nadooh nachwa kat u yoo da pynngat pathan chwa ka Election.
