I pynkylla ya ka SPG Act ym mut i wow pyndam yei yada ya ki Gandhi: Amit Shah

Jowai: Ka Parliament ynne da pdiang ko ya i pynkylla ya ka Special Protection Group (Amendment) Bill, 2019.

Hawa e jubab ha Parliament, u montri ka kaam pohyung ka ri, u Amit Shah da ong u wa katkam ka aiñ wa nyngkong, ka SPG toh ka wow bahkhlieh wow sonteri ya u montri rangbahdooh ka ri (Prime Minister) neibhah wa man u u khlieh ka sorkar katkam ka riti synchaar ka ri.

Da ong u wa ka SPG u pait ko wow sonteri, i chait i khiah, kamjooh wow sonteri ya ka yung wa sah u wei ka manyung ymtoh u sñiaw sarong ya ka kam ka maaiñ namo wow sñiawkhroo lada yoh sonteri na ka SPG.

U Shah da ong u leh wa ka sorkar emkaam ko wow sonteri ya ki 130 klur ki tre ri India wa kiwi kiwi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa i pynkylla ya ka aiñ SPG Act ym man i wow pyndam yei sonteri SPG ya ka manyung ki Gandhi kamwa da mut kiwi wei ym em u pyndam u e sonteri ya ki tangwa da pynkylla na ka SPG cha ka Z+ chirup wa ka ASL (Advance Security Liaison) wa 24X7 ka Ambulance. Chooh chooh da ong u wa i e sonteri ya kani ka manyung yaryngkat i wa iwa yoh u montri ka kaam pohyung, u montri yada ri wa kiwi kiwi.

U Shah da ong u leh wa u bru wow dooh bha na ini i pnkylla ya kani ka aiñ toh u montri rangbahdooh ka ri u wow dooh sonteri na ka SPG hadien san snem nadooh wa ieh u ya ka chuki  deiwa pynrap wa da pyndam ya i e sonteri ka SPG ya ki montri rangbahdooh kiwa da rim ha ki por wa dadep tangwa ymem wa pyrchah yeini.

Ya ini i pynkylla ya ka aiñ ha Lok Sabha da leh ha ka 27 Khonchonglad (Nov) 2019.