Ka yung krehkaam District Social Welfare Officer, East Jaiñtia Hills District, Khliehriat ynne da pynman ko ya ka Workshop cum Awareness Programme on Sexual Harassment of Women at Workplace (Prevention, Prohibition & Redressal) Act, 2013 ha Dkhiah West Community Hall, East Jaiñtia Hills District.
Ka. R. Passah, District Social Welfare Officer, East Jaiñtia Hills District, da ong ko wa i daw wa pynman ya kani ka esikai toh hajrong kani ka aiñ Sexual Harassment of Women at Workplace (Prevention, Prohibition and Redressal) Act 2013 wow pynsñiawthooh ya ki hok yong ki kynthai ha ki thaw kreh yong ki yow lait ki nei chah jrongkti, chah tbakti khlemakor lane i chah lehbeiñ, chah thombor.
Ka B. Shylla, kawa man ka muktiar na ka District Legal Services Authority (DLSA), Khliehriat, da ong ko wa kani ka aiñ yarap ko u yada ya ki kynthai nei chah leh khlemakor ha ki thaw kreh yong ki wei kammon wow ujor wei wow bichaar ya ki mukotduma. Da ong ko wa boonsien ki kaam wa chah leh khlemakor ki kynthai ha ki thaw kreh duna kiwa tip ya ki deiwa kyntu ya ki kynthai wow wan ki chaphrang wa ki ujor lada em iwon iwon i jia wa man pyrchah ya i sñiaw yong ki.
Da ban joor ko leh hajrong ka Article 14 wow man salonsar haphrang ka aiñ, ka Article 21 i hok wow im kam ki bru, ka Section 354 yong ka Indian Penal Code kawa klam hajrong ki kaam wa man pyrchah ya ki kynthai wa kiwi kiwi.
Kiwi ki phang wa da e batai ha kani ka sngi toh ka “Mental Health Issues” namo ki kaam wa yatoh wa i thij i pyrkhat wa da e batai da ka L. Kyndiah, Counsellor, One Stop Centre (OSC), Khliehriat wa ka “Women Empowerment” namo wow pynkupbor ya ki kynthai ya kawa da e batai da ka S. Phawa, Asst. Professor, Jaiñtia Eastern College, Khliehriat.
