Ki pulit ka Ri-Bhoi District da pyntip ki wa em i sahkut kari na Khanapara hadooh Jorabat ha i bynta u sarok NH-27 neidaw wa pynchna sarok yow booh ya ki PQC Panel iwa da leh da ka National Highways Authority of India (NHAI).
Yeini da leh kam chibynta wow pynkhreh ya ka samoi slap kamtæ da kyntu ya ki paidbah wa lai wa kiwa wan na Guwahati wow bood ki da kini kiwi ki luti.
Ya kitu kiwa lai wei kiwa wan na Guwahati Airport ye ki wow lai lyngba ka Byrnihat-13 Mile- Pillangkata-Basistha-Jhalukbari.
Ye leh wow lai lyngba ka Byrnihat-USTM Jn-Pillangakata-Basistha-Jhalukbari.
Ye leh wow lai na Shillong-Mairang-Patharkhmah-Rani-Azara.
Kini ki luti ye ki wow chimpor 45-60 minit na i por wa jooh.
Ya kitu won kiwa lai cha sor Guwahati na Shillong/Jaiñtia Hills ye ki wow chim ya ka luti Byrnihat-Jorabat-Sonapur Road-Narangi-Guwahati wei ini daw chimpor i kamwa 45 minit na iwa jooh.
Ki kari kit mar hadooh ki Truck kiwa wan neiliang Shillong/Jaiñtia Hills cha Guwahati daw chah u psiah ki cha u NH-27 yow lai cha rood ka sor Guwahati heipor 10:00 waje i miet hadooh 6:00 waje i step.
Tangwa lada ym em sahkut kari, ye u lai kamwa jooh hi lyngba u NH-6 wa NH-27.
Discussion about this post