I pyntip na u DEO cha kiwa thap Vote ka East Jaiñtia Hills

Katkam wa da phah da ka Election Commission of India (ECI), ka yung krehkaam u District Election Officer, East Jaiñtia Hills District da pyntip u cha kiwa thap Vote chaphang ki kattu katni wa yatoh wa ka sngi thap Vote ha ka 27 tarik uni u bnai.

Kamwa jooh leh hi, waroh kiwa thap Vote ha waroh ki Constituency hap ki wow pynyoo ya ka Elector Photo Identity Card (EPIC) yow pyntipmit heipor wa poi ki cha ka Polling Station chwa wow thap Vote ki.

Lada jia wym chem de ya ka EPIC lane wa mylliñ u rah ka, ye wow pynyoo da kiwi ki kot ki sla kam ka Aadhaar Card, MGNREGA Job Card, Passbook Bank wa emlang wa i dur lane da ka Passbook Post Office, ka Health Insurance Smart Card wa da e hapoh ki Scheme ka Ministry of Labour, Driving License, PAN Card, Smart Card wa e da ka Registrar General of India (RGI) hapoh ka National Population Register (NPR), Indian Passport, ki kot Pension wa emlang wa i dur, ki ID Card kreh yong ki thaw kreh sorkar jylla lane sorkar pyrdi wa kiwa kreh ha ki Company ka sorkar pyrdi.

Ye leh wow rah da ka ID Card wa e da ki MP, MLA/MLC wa ki Unique Disability 10 (UDID) Card wa da e da ka Ministry of Social Justice & Empowerment ka sorkar India.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Lada em i bakla ha ka EPIC wa malu mala, ym toh u boh næ kyntait hawa ye u pyntikna wa toh sakhiat u bru. Lada em kiwa rah ya ka EPIC wa pynmih da ka Electoral Registration Officer yong kawi tawon ka Assembly Constituency, ya kini leh toh u pdiang lada em i pyrtuid ki hapoh ka Electoral Roll yong ka Polling Station wa da wan ki u thap Vote.

Lada ym ye wow pyntikna yei dur uwa thap Vote neidaw wym biang i dur wa em ha ka EPIC, ye wow pait ha ki ID wa da kdaw haneiñ.

Kiwa thap Vote wa sah cha baar ri hap ki wow pynyoo ya ka Indian Passport yong ki.

Yow suk u tip kiwa thap Vote wei kamjooh yow pynsmat yei thooh pyrtuid namo ki Serial Number ha ka Electoral Roll ki Polling Station. Daw saam ya ki Voter Information Slip 5 sngi chwa ka sngi thap Vote cha waroh kiwa thap Vote da ka yung krehkaam u District Election Officer. Tangwa kini ki Voter Information Slip ym toh wow pynsakhiat ya kiwa thap Vote namo ki wow pynman kam ki ID kiwa thap Vote.

Da kyntu ya kiwa thap Vote wow ya mih ki deiwa boon ha ka 27 tarik yow pynemkaam ya ka hok ka muhor ksiar yong ki ha kani ka kaam synchaar paidbah.