I pynyoo rong ya ki mar rep ha East Jaiñtia Hills

Khliehriat : Ka yung krehkaam yong ka District Horticulture Officer, East Jaiñtia Hills District Khliehriat ha ka 14 tarik u Kmaichonglad da pynman ki ya ka exhibition ha pchem ka Community Hall ka Khliehriat West.

Ya kani ka yaw pynyoo rong ki wa rep ka East Jaiñtia Hills District ya ki mar rep yong ki da pynman da ka District Horticulture Officer East Jaiñtia, kawa da tip kam ka 4th District Level, Exhibition Cum Seminar on Horticulture Crops.

Da pynyoo rong wei da em leh ki stall yong ki tnat sorkar waphær waphær iwa yatoh kam wow e sikai ya ki wa rep kam ka KVK Jaiñtia Hills, ka Agriculture wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi da em leh ka yalang kyntu kyrsu ya ki paidbah yow kyruiñ ki cha ka kaam rep kaam riang kawa man ka spah wa ye u pyndap baam ya ka yung ka sem.

Haka yalang da wan emlang ka kong R.S. Manar Additional DC East Jaiñtia kam ka kongsan, u Dr. P. Nongtdu, Principal Jaiñtia Eastern College kam u symbood kongsan, ka kong I. M. Paswet District Horticulture Officer, kawa e i ktien pdiang burom, u Dr. W. Ryngkhlem District Veterinary Officer East Jaiñtia, ka kong P. Phawa, Superintendent of Fisheries, wa kiwi kiwi.

Neiliang ki sahep sorkar naki tnat krehkaam waphær waphær da khut da kyntu joor ki ya ki paidbah wow kyruiñ ki cha i kaam rep kamjooh i kaam ri mrad ri dakha, ri sniang ri syiar wa kiwi kiwi.

Ka kong RS Manner hei klam kam ka kongsan da yaroh ko yei pynman kam kani ka yaaw ya pynyoo rong kawa man chibynta u pynchlur ya kiwi won ki bru wow kyruiñ ki chei rep i riang, da kyntu ko leh yaki sahep u rap pyllait por bha ki neibynta u pynche ya ki wa rep hawa wan kylli yumut ki.

Ha kani ka sngi da saam leh ya ka award cha kawi ka manbei wa rep Strawberry kawa da ku bha chakhmat wa naka chong Tuber Cohchrieh ka kong Iahphang Dkhar.

Hei yaklam wa ka da khana ko wa kam ka wa rep wa da rep boonjait, chem ko i rep Strawberry toh iwa yohnong bha, nyngkong da sdang ko yei rep strawberry dei yarap e symbe ka tnat Horticulture kamwa 1000 tre ha u snem 2014, kamtæ kat nanglai ki por nang pynheh ko yei kaam rep, wei kamwa man katni dapoi kamwa 4 hajar tre wa rep ko.

Hei janmiet yong kani ka sngi da saam leh ya ki prize cha ki wa rep wa jop hei yakop pynyoo rong ya ki mar rep waphær waphær.