Shillong: Kam chibynta wow pyntip paidbah chaphang ki kaam bordiñ katkam ka juk wa katni wa tip leh kam ka Non-conventional Energy, kamtæ ka Meghalaya New and Renewable Energy Development Agency (MNREDA) ynne ka sngi da pynman ko ya i pynyoo yaw (Exhibition) hajrong ka Renewable Energy ha yung krehkaam kani ka tnat hajan ka BSF Camp, Mawpat, Shillong.
Ya kani ka Exhibition da wan wai ya ka da u Montri ka tnat Bordiñ u Sniawbhalang Dhar hei emlang u Principal Secretary, Power, u M.S. Rao u Director ka MNREDA, u U.N. Madan ki khynnah skur, kiwa sikai skur wa kiwi kiwi.
Kam u kongsan u Sniawbhalang Dhar da ong u wa iwa khia dooh i kaamram yong ka jylla katni toh wow pynbiang bordiñ neibhah wa katkam wa man, yeini da joor bha i dawa hapoh ka jylla. Wei da leh ya kiwa boon ki kaam hapoh ka jylla wow pynbiang ya ka bordiñ katkam ka juk kawa katni.
U M.S. Rao, hei klam yong oo da ong u wa hadooh katni ka jylla chaniah ko ya ki bordiñ wa pynmih dei bor ka um wei lada pynemkaam da u mooyong wei yow pynmih bor light daw ktah joor bha ko ya ka rymaw wei kini ki mar daw lut ki ha kawi ka sngi.
Da khana u wa emkaam u pynkhlan i u pynmih bordiñ dei bor ka sngi, ka la-ær wa kiwi kiwi.
Discussion about this post