Lyngba kani ka khubor, neiliang yong ka Village Covid-19 Management Committee ka chnong Ialong, da pyntip ko wa pyrchah joor ya phi ki lok ki jor kiwa wan emkaam chapoh chnong pohthaw lada wan phi khlem deiñ yaki Mask yong phi hawa psiah wa psut chapoh chnong poh thaw yong i heijooh i por manda wan psiah phi chapoh chnong pohthaw khlem da emkaam katwa dang em kani ka kjut khlam COVID-19.
Kamtæ da kyrpaad ya phi ki lok ki jor kiwa lai khwe cha wah Myntdu, Ialong kawa haap hapoh u pood u ang yong ka Dorbar Chnong Ialong wa i por wa ye u khwe toh 6 waje i step hadooh 6 waje i janmiet wei hadien ini toh u mih liwan napoh ka chnong Ialong.
Ym hoi leh u dam u deiñ yaki Mask wei kamjooh ym hoi u uiñ chapoh chnong poh thaw khlem em yei kaam, hawa lai cha ki thaw khwe toh u lai bait ym hoi wow uiñ chapoh chnong poh thaw wei manda liwan leh toh u man kamjooh.
Ya kiwa uinke pyngngad dang man kiwa khang ym pu chah u wanke wan song, kamtæ da kyrpaad ya phi u man phi kiwa bood ryntih ya ki kyndon kamwa da pynbna daka sorkar, da kyrpad ya phi kiwa yoo ya kani ka khubor wow ya krehlang phi wei ym hoi u man phi kiwa thok wa chukor khamtam kamwa da yo phi wada poor smat uni u khniang ha kini ki por kiwa katni.
Ka kyrwoh na u waheh chnong ka Ialong.
