Jowai : Na ki 6 tylli ki block wa em hapoh ri-loom Jaiñtia kiwa da tip kam ka Thadlaskeiñ, Laskeiñ, Amlarem, Khliehriat wa ka Saipung kawa heh dooh toh ka Thadlaskein Community Development Block heiwa u pood u ang yong ka em u hadooh 896.60 Sq. Km wei da em ko leh 133 tylli ki chnong. Katwa ki bru, em ki hadooh 1,09,509 katkam ka census 2011 katwa katkam ka Census 2001 won da em bru ko 79563 iwa ku da 29946 ha ka 10 snem (decadal growth).
Ka Laskeiñ Block won ka heh ko (area) man ko 390.40 Sq. Km heiwa em hadooh kamwa 100 tylli ki chnong katwa ki bru wa chong wa sah em ki 90,402 ngut ini man i katkam ka census u snem 2011. Lada wyrchaw ya ka census ha u snem 2001 em du 65,726 donhi iwa mut ku ki bru hapoh chiphaw snem hadooh 24,676 ngut.
Hapoh ka Amlarem Block kawa em u pood (Area) uwa 398 Sq. Km, em hadooh 98 tylli ki chnong. Ha kani ka Block em hadooh 43,844 ngut ha u snem 2011 katw ha u snem 2001 won em em ki 35,970 ngut iwa ku hadooh 7,874 ngut hapoh chiphaw snem.
Katkam ka Census 2011 ka Khliehriat Block kawa em u pood wa 1280 Sq. Km em ko 109 tylli ki chnong. Hapoh kani ka Block em hadooh 85,832 ngut ki bru wei ha u snem 2001 won em du 64,898 ngut iwa ku hadooh 20,934 ngut hapoh chiphaw snem.
Ka Saipung Block kawa em ka area kawa 846 Sq. Km em ko hadooh 97 tylli ki chnong. Hapoh kini ki chnong katkam ka cencus u snem 2011 em hadooh 37,107 ngut ki bru katwa ha u snem 2001 em ki du 27,894 ngut iwa ku hadooh 9,213 ngut ki bru.
Katkam ka census lada ya bhah ya ki chynrang wa ki kynthai (Sex Ratio) hapoh ka Thadlaskeiñ Block ya 1000 ngut ki Chynrang em 1019 ngut ki kynthai, ha Laskeiñ Block won ya ki 1000 ngut ki chynrang em 998 ngut ki kynthai, ha Amlarem Block won ya ki 1000 ngut ki chynrang em 1001 ngut ki kynthai, ha Khliehriat Block ya man ki 1000 ngut ki chynrang em 1013 ngut ki kynthai katwa ha ka Saipung Block ya ki 1000 ngut ki chynrang em du 994 ngut ki kynthai.
Discussion about this post