Kam chibynta wow bood ya ka hukum sorkar heiyatoh wow booh kyndon hapoh ka sor Shillong nadooh ka 1-10 tarik u Naisan yow kdoh u khoom yei poor ka khlam COVID-19. Neiliang ka yung krehkaam u DTO, East Khasi Hills da pynmih hukum heiyatoh i lai i wan ki Local Taxi wa ki Auto Rickshaw kiwa kamai ha Shillong wa ki khapsor.
Ki kari u chah u kamai nadooh 6:00 waje i step hadooh 8:00 waje i miet deiwa boon ya kini ha wah:
Waroh ki kari wa psiah cha Shillong toh du kiwa em ya ka Car Pass neibynta ki kaam wa chah donhi kiwa da dep pynbna chwa.
Kiwa yah kari kamjooh kiwa em hapoh toh u bood ki thij yei kyndon wa da booh ka sorkar heiyatoh wa katwon ngut ki bru wa cha u em hapoh iwa man 25% donhi, u deiñ ki ya ki Mask, u pynemkaam ya ki Hand Sanitizer wa kiwi de ki kyndon sorkar kiwa da pynmih da ka chnat i chait i khiah na ki por cha ki por.
Ya kiwa leh pyrchah daw pynchitom katkam ka aiñ.
