Jowai: Ka Synod Khynroo ka wow pynman ha ka Balang Presbyterian Mihmyntdu mynstep ka 5 tarik da pynbna ki yei rukom lai i wan ki kari kamjooh leh ya i rukom pynyieñ kari.
Waroh ki kari wa wan na Jowai kamjooh na thaiñ War Jaiñtia haap lai ki lyngba ka Point 8 kawa mut ka sarok wa lai cha Mihmyntdu na Jowai wei ya ki kari hap booh ki ha ki Parking No. 8, 10, wa 11 ki tæ toh ha Madan Myntnen, Madan Langkdur wa ha Madan Wah Rtong.
Ki kari wa wan neiliang Shillong haap lai ki lyngba ka Point 9 iwa mut na Jowai Bypass wa dang wai thymme. Ya ki kari haap booh ki ha ki Parking No. 3,4,5,6 kiwa kynthup ya ka Lumkseh Pale, haka ka St. Thomas School wa ha ki ar tylli ki madan bol.
Ki kari wa wan na Khliehriat haap pynyieñ kari ki ha ka Parking No. 1,2 wa 3 wa kynthup ya ka Madan Bihsyntu, ha Loomkseh hajan i yung u Jone Pale wa ha Loom Kseh Pale.
Waroh ki truck ym chah u psiah ki cha kini ki bynta nadooh ka 8 waje i step hadooh 12 waje pyrdi sngi.
Ki truck wa wan na East Jaiñtia Hills haap pynyieñ kari ki ha Loom Kseh Pale katwa kiwa wan na West Jaiñtia won haap booh kari ki ha ka Police Reserve, Jowai.
Discussion about this post