I rukom pyllai kari neibynta ka K.J.P. Synod Mihngi (XV) ha Balang Presbyterian Ummulong

Jowai: Ka Balang Presbyterian Ummulong da pynap ko yei sñiawngooh wa khroo ya u Blai heiwa da yoh u pdiang ya ka “Jingiaseng K.J.P. Synod Mihngi” kawa 15 nadooh ka 16 hadooh 19 tarik uni u bnai.

Ka Balang da pynkhreh chongchit ko wow pdiang ya kani ka yaseiñ wei da khut lang ko ya waroh cha kani ka Synod da i mynsien wa kmen wa sñiawkhian.

Ha ka Sngi u Blai, ki wow saam ya ka ktien u Blai ha ka yaseiñ kawa 10:30 i step toh u Rev. B.B. Lamin, heipor 1:30 i sngi da u Rev. Dr. M.J. Hynniewta wei heipor 6:30 i miet u Rev. S.P. Dkhar u wa daw klam u hajrong ka phang ka Balang ‘Ka Balang kaba shah synshar ha U Trai’ (Jingpynpaw 19:6).

Neibynta i lai bait lai ryntih ka yaseiñ, da booh ya ki rukom lai rukom wan ki kari ha ka 19 tarik wei man ko kamni ha wah:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Entry No. 1: Kani toh neibynta ki Official Synod, VIP, Car Pass, Choir ki wow lai na u sarok hajan CHC Ummulong kamjooh ki kari khian kiwa wan na ka thaiñ Jowai wei ya ki kari toh u pynyieñ ha Thangsamynting, Lumthangbru wa Lumwalieh.

Entry No. 2: Ki kari heh (heavy vehicle) wa wan na ka thaiñ Jowai u booh kari ki ha Thlu Ummulong.

Entry No. 3: Ki kari heh (heavy vehicle) wa wan na ka thaiñ Nartiang u booh kari ki ha Yawpynsin Wahiajer.

Entry No. 4: Ki kari wa wan na ka thaiñ Bamkamar Tyrchang u psiah ki na laad Chutwakhu wei u lai ki lyngba ka yungmane Katholik chadooh ki thaw pynyieñ kari.

Entry No. 5: Ki kari khian ki wa wan na ka thaiñ Shillong u psiah ki na Moodymmai wei u lai ki lyngba ka chnong Moodymmai hadooh wa poi cha ka laad Lumsalah yow chem ki ya ka thaw pynyieñ kari.

Entry No. 6: Ki kari heh (heavy vehicle) ki wa wan na ka thaiñ Shillong u psiah ki na laad Chutwakhu wei u lai ki lyngba ka yungmane Balang Katholik chadooh ki thaw pynyieñ kari.

Entry No. 7: Ki kari ki wa wan na ka thaiñ Sohmynting- Madur u psiah ki na laad Lumsalah chadooh ki thaw pynyieñ kari.

Kamtæ da kyrpaad ya waroh ki wa wan yaseiñ wow sñiawbha wow bood wei wow ya krehlang ki wa ki pulit wa pyllai kari kamjooh wa ki Volunteers.

Ka Balang leh da kyntu ko ya ki wa wan yaseiñ wa ki ym hoi u noh taroi ki ya ki plastic, ki kot wa kiwi ki wow pyntaroi ya ka rymaw.

Ya kiwa wan yah lang wa ki khynnah toh u sumaar bha ya ki khnang wow lait ya iwon iwon i eh.

Kani toh katkam ka khubor wa phah da u Secretary, Balang Presbyterian Ummulong.